Во организација на Културно-Информативниот Центар на Р.Македонија, на 15 мај во 20:00 часот во Центарот за култура и дебата "Црвената куќа" (сала Пеша Николова) беше реализирана промоција на книгата "Санитарна енигма“ од Јасна Котеска. Книгата ја промовираа претставници од издавачката куќа "КХ-Критицизам и хуманизам и директорот на Културно-информативниот Центар на Р.Македонија во Софија Васко Шутаров.
За првото преведено дело на Др.Јасна Котеска на бугарски јазик, стручната јавност смета дека е на висината на најновите истражувања во светската и европската теорија на психоанализата и културологијата и на фонот на истражувањата на Жак Лакан, Јулија Кристева, Славој Жижек и Мери Даглас.
Јасна Котеска е професор на Филолошкиот факултет во Скопје и автор на "Македонското женско писмо" (2003), "Санитарната енигма" (2006), "Комунистичката интима" (2008).
