На 2ри Септември 2021 година во галеријата на Националната уметничка академија во Софија се постави фото-изложбата „Таму“ на режисерот Милчо Манчевски. Светски познатиот автор Манчевски, се претставува со 88 фотографии во боја на тема улична фотографија, а со својот врвен естетицизам и драматика го привлече вниманието на уметничката и интелектуалната публика во Софија.
Изложбата ќе биде поставена до 16ти Септември 2021 година, а на 10ти се очекува доаѓањето на самиот Милчо Манчевски во Софија на формално отворање на „Таму“ во галеријата на НХУ и средба со неговите почитувачи, млади артисти и студенти по филмски студии во КИЦ на РСМ!
