На 21 септември во Културно-информативниот Центар на Р. Македонија во Софија беше отворена проектната изложба "Љубов меѓу мајка и син" од Дороти Пачкова. На изложбата која во присуство на авторката и пред бројната публика ја отвори директорот на Центарот во Софија Васко Шутаров, беа претставени 12 дела кои ја симболизираат отворената интерактивна комуникација помеѓу ликовната уметница и нејзиниот 4 годишен син. На вечерашнава изложба, родители и деца беа поканети да учествуваат во создавањето ликовни дела.
