Во организација на Културно-информативниот центар на Р. Македонија и Националната галерија на Македонија, на 1 декември во 18:30 часот, во просториите на КИЦ беше отворена изложба на Маја Анастасова Христова "Град - импресии, приказни, метафори II... ". Изложбата ја отворија директорот на КИЦ на Р. Македонија во Софија, г-дин Васко Шутаров и г-ѓа Менка Карапашовска, кустос во Национална галерија на Македонија.
Маја Анастасова Христова е родена 1983 година во Кочани, Р. Македонија. Дипломирала на Факултетот за ликовни уметности во Скопје, на Графичкиот оддел во 2006 година. Завршила постдипломски студии на истиот факултет на Графичкиот оддел во 2009 година. Член е на ДЛУМ од 2009 година. Живее и работи во Скопје.
Самостојни изложби: 2006 - Изложба на дела во мал формат, Галерија на НУ "Бели Мугри", Кочани; 2007- Изложба на графики, слики и колажи, Уметничка галерија "Безистен", Штип; 2009 - Град - импресии, приказни, метафори I - изложба на графики и инсталации, Национална галерија на Македонија - објект Чифте-амам, Скопје. Групни изложби: 2003 - Белград (Србија), Тетово; 2004 - Велес, Милано (Италија), Романија, Штип, Франција; 2005 - Милано (Италија), Љубљана (Словенија), Скопје, Ниш (Србија), Плоешти (Романија); 2006- Скопје, Белград (Србија), Нови Сад (Србија), Тетово, Кочани, Битола; 2007- Штип; 2008 - Галерија во Кастелно Монтратје, Франција, Вила нова де Гаја, Португалија; 2009 - Плоешти (Романија), Куманово , Пробиштип, Скопје; 2010- Сараево; 2011- Кршливо – глобален перформанс, Сиена (Италија).
Добитник е на наградите: Награда за најдобро поединечно остварување на Мал битолски Монмартр (2004); Награда за најдобри постигнати резултати во текот на студирањето на Графичкиот оддел на Факултетот за ликовни уметности во Скопје (2006); Златник и пофалница за најдобар студент од генерацијата 2006/2007 на Факултетот за ликовни уметности, доделена од Универзитетот "Св. Кирил и Методиј"– Скопје (2008).
