На 12 октомври 2023 во галеријата на КИЦ на РСМ во Софија се одржа промоцијата на книгата „Картографирање на себеси“ од Славица Гаџова Свидерска.
За наскоро издадената, преведена поетска книга „Картографирање на себеси“ на бугарски јазик говореа: издавачот Мартин Христов, преведувачката Поли Муканова, писателот Владимир Левчев, како и самата авторка на литературното дело – Славица Гаџова Свидерска.
Вечерта помина во исклучително позитивна атмосфера, а големиот број на присутни љубители на литературата и поезијата, претставници на културниот и дипломатски живот во Софија покажаа особен интерес за промовираната книга.
