На 9 септември (среда) 2020, со почеток од 18:00 часот, на сцената на Културната програма на манифестацијата Алеја на книгата во Софија ќе биде претставен романот „Телото во кое треба да се живее“ од македонскиот писател Петар Андоновски, во превод на бугарски јазик.
По издадениот „Очи со боја на чевли“, повторно на бугарски јазик во издание на „Персеј“, излегува романот на младиот македонски писател Петар Андоновски – „Телото во кое треба да се живее“. Оваа книга беше одликувана со најголемата награда во Северна Македонија – „Роман на годината“. За својата трета книга – „Страв од варвари“, талентираниот Македонец ја доби Наградата за литература на Европската унија за 2020 год. Таа исто така ќе излезе на бугарски јазик.
Со својот богат психологизам и новаторски начин на нарација „Телото во кое треба да се живее“ стана една од преферираните книги меѓу младите читатели во Северна Македонија.
