На 5 Ноември во салонот на Културно-информативниот Центар на Р.МАкедонија во Софија, беше отворена ретроспективна изложба на графики од мал формат од Меѓународното биенале во Тетово. Организатори на изложбата беа Н.У Музеј на тетовскиот крај во Тетово и нашиот Центар во Софија, со поддршка од македонското Министерство за култура. Изложбата ја отворија Васко Шутаров и Велимир Цветановски.
На изложбата беа претставени 240 графики, во сите можни графички техники. Беа претставени дела на графичари од 70 држави во светот, кои на некој начин го претставуваат најдоброто од современиот графички израз. Изложбата претставува пресек на графичките вештини на уметниците графичари во изминатите 13 годиниод првото биенале во 2001 година, до последното во 2013 година.
Изложбата беше отворена за посетителите во Софија 5-21 Ноември 2014 година.
